Opozita për demarkacionin: Do të shkojmë përtej gazit (Video)
Konfirmimi i kryetarit të Kuvendit se demarkacioni do procedohet në Kuvend në javën që po vjen, nuk ka lëkundur qëndrimet opozitare karshi kësaj marrëveshje.
Përkundrazi ato kanë paralajmëruar stopimin e saj me çdo kusht, përfshirë gazin dhe përtej gazit.
Në këtë qëndrim janë bashkuar te tri partitë opozitare.
Deputeti i Lëvizjes Vetëvendosje, Rexhep Selimi , deklaroi se do ta përdorin çdo mjet që ky ratifikim të mos ndodhë.
Ai deklaroi se nëse është nevoja do të shkojnë edhe përtej gazit lot-sjellës, por sipas tij ky ratifikim nuk do të ndodh.
Selimi u shpreh i sigurt që kjo do të jetë séanca e fundit e kësaj legjislature, pasi që siç tha ai pas kësaj séance vendi do të shkojë në zgjedhje.