Termokos shet Audi për 200 euro (Dokument)

Ngrohtorja “Termokos” në Prishtinë përmes një ankandi publik ka nxjerr në shtije vetura që i ka jashtë përdorimit, por edhe mbeturina hekuri, bakër, alumin, Transformator, kompresor dhe gjenerator saldimi, raporton zëri.info.

Termokos përmes këtij ankandi ka nxjerr në shitje në Audi 80 jashtë përdorimi, e ku çmimi i tij është caktuar 200 euro.

Në këtë ankand po ashtu Termokos ka nxjerr në shitje edhe një “Ford minibus” e ku çmimi i tij është caktuar 100 euro.

Në shitje po ashtu është edhe Xhip Nissan Terano, e ku çmimi i shitjes është caktuar të jetë 700 euro. Në shitje po ashtu janë hedhur edhe automjete tjera, por edhe gjësende tjera që ngrohtorja I ka nxjerrë jashtë përdorimit, raporton zëri.info Në njoftimin e publikuar thuhet se për personat fizik që dëshirojnë të marrin pjesë në këtë ankand duhet të kenë Një dokument identifikues (Letërnjoftim ,Pasaportë apo Patentë shofer valide). Ndërkaq për personat juridik duhet te plotësojnë : Një dokument identifikues (Letërnjoftim ,Pasaportë apo Patentë shofer valide) si dhe Certifikatën e regjistrimit te Biznesit.

“Dokumentet e ofertimit do të kërkohen nga ofertuesit e interesuar duke dorëzuar një aplikacion me shkrim në adresën e cekur më lartë. Ofertuesit e interesuar mund të inspektojnë Mbeturina hekuri,bakër,alumin , Automjetet jashtë përdorimit, transformatorët, kompresorët dhe gjenearoret e saldimit në NP”Termokos”sh.a. më datë:22.08.2016 deri 31.08.2016 nga ora 09:00-15:00 h. Ofertat të cilat janë nën Çmimin e paraparë nga Autoriteti Kontraktues do te refuzohen”thuhet në njoftim, raporton zëri.info. Më tej aty thuhet se ofertat duhet të dorëzohet në adresën e cekur më lartë jo më vonë se 02.09.2016 ora 13:30.

Ofertat do të hapen në prezencë të përfaqësuesve të ofertuesve të cilët dëshirojnë te marrin pjese në adresën NP”TERMOKOS”sh.a.

Zyra e Prokurimit Termokos me 02.09.2016 në ora 14:00. Dhënia e kontratës: Çmimi më i lartë i ofruar”thuhet më tej në njoftim, raporton zëri.info