Deliu-Kodra thumbon Haxhiun: Hipokrizi të përkujtosh Kushtetutën e Kaçanikut dhe ta mbash shtetin në krizë

Deputetja e Partisë Demokratike të Kosovës (PDK), Blerta Deliu-Kodra, ka reaguar kundër presidentes në detyrë, Albulena Haxhiu e cila ka përkujtuar Ditën e Kushtetutës së Kaçanikut.

Për këtë deputetja Deliu e ka quajtur hipokrizi reagimin e Haxhiut, duke akuzuar këtë të fundit për shpërfillje të Kushtetutës së Kosovës.

“Sa hipokrizi: ta përkujtosh Kushtetutën e Kaçanikut, të flasësh për guximin e delegatëve dhe për themelet e Republikës, ndërsa sot ta mbash shtetin në krizë duke shpërfillur Kushtetutën dhe vendimet e Gjykatës Kushtetuese”, shkroi Deliu.

Ajo ka thënë se dikur Kushtetuta sfidohej nga Serbia, tash po sfidohet nga partia në pushtet.

“Delegatët e Kaçanikut e sfiduan Serbinë për ta themeluar Republikën; sot po sfidohet Kushtetuta vetëm për ta ruajtur pushtetin!”, tha ajo.