Hamza pret Lladrovcin në takim: PDK-ja në Drenas, e bashkuar dhe e gatshme për fitore

Kryetari i Partisë Demokratike të Kosovës, Bedri Hamza ka pritur sot në takim kryetarin e Drenasit, Ramiz Lladrovci.

Hamza tha se në këtë takim u diskuta për zgjedhjet e 28 dhjetorit,duke thënë se ky proces kërkon bashkëpunim të ngushtë dhe koordinim të vazhdueshëm.

“Sot në zyre e prita mikun tim, kryetarin Ramiz Lladrovci.

Me Ramizin biseduam rreth mobilizimit të plotë për zgjedhjet e 28 dhjetorit dhe angazhimit për ta maksimizuar votën e qytetarëve në Drenas. Ky proces kërkon bashkëpunim të ngushtë, koordinim të vazhdueshëm dhe përgjegjësi nga secili prej nesh.

PDK-ja në Drenas është e bashkuar, e organizuar dhe e gatshme për fitore!”, shkroi kreu i kësaj partie. /Zëri