Osmani: Pas Shqipërisë, u ndala në Dragash – Shala ka traditë
Presidentja Vjosa Osmani ka bërë të ditur se duke u kthyer nga Shqipëria, është ndalur sot për vizitë në Komunën e Dragashit.
Përmes një postimi në rrjetin Facebook, Osmani e ka quajtur këtë qytet si piktoresk.
Ajo tha se me kryetarin e kësaj Komunë, Bexhet Xheladinin, kanë folur për projekte qe do të ndikojnë në përmirësimin e jetës së qytetarëve në atë qytet.
“Sharri ka traditë, përkushtim dhe bukuri të jashtëzakonshme që kthehen në zhvillim ekonomik. Me kryetarin Bexhet Xheladini diskutuam për projektet që po e ndryshojnë jetën e qytetarëve dhe potencialin e madh që ka kjo komunë”.
“E falënderoj për mikpritjen e tij, së bashku me anëtarët e qeverisë komunale dhe të kuvendit komunal, të cilët përfaqësojnë të gjitha komunitetet”, ka thënë Osmani.
