Ky është parashikimi i motit për pesë ditët e ardhshme

Instituti Hidrometeorologjik i Kosovës, ka publikuar parashikimin e motit për pesë ditët e ardhshme, e që pritet të jetë i ndryshueshëm.

Në fillim të javës, parashikohet të jetë ngrohtë por në vise malore mund të ketë edhe reshje bore.

Pjesën tjetër të javës, moti pritet të jetë vende-vende me vranësira dhe me reshje shiu.

Temperaturat do të sillen mesatarisht rreth 14 gradë celsius.

Sipas IHMK-së, në Kosovë pritet të jetë mot i vranët por edhe me intervale dielli.

Minimalja mund të zbresë deri në 1 gradë celsius ndërsa maksimalja pritet të shkoj deri në 17 gradë celsius.

Derisa të martën. pritet që të jetë vranët e me reshje shiu. Në zona malore parashihen edhe reshje bore. Minimalja pritet të jetë jo më poshtë se 4 gradë, ndërsa maksimalja deri në 11 gradë celsius.

Edhe të mërkurën pritet të jetë mot i vranët e në vende-vende me reshje shiu.

Temperatura minimale pritet të zbresë deri në 2 gradë celsius, ndërsa edhe të mërkurën njësoj sikurse një ditë më parë, pritet të jetë deri në 11 gradë celsius.

Kurse, të enjten pritet të mbajë mot me diell dhe pjesërisht i vranët.

Minimalja parashihet të zbresë deri në 2 gradë celsius ndërsa maksimalja mund të shkojë deri në 14 gradë celsius.

Ndërkohë, të premten pritet sërish të ketë ndryshime.

Teksa është paraparë të jetë me diell e vranësira, vende-vende mund të ketë edhe riga lokale shiu.

Temperatura minimale pritet të jetë nga 3 dhe 6 gradë celsius ndërsa maksimalja mund të arrijë deri në 15 gradë celsius.