Sinisa Spasiq sillet në gjykatë për masën e sigurisë, pas arrestimit për krime lufte

Sinisa Spasiq është sjellë sot para Gjykatës, ku pritet të caktohet masa e sigurisë ndaj tij.

Spasiqi është arrestuar në pikën kufitare të Merdarit, si i dyshuar për krime lufte kundër popullatës civile në Kosovë.

Prokuroria Speciale dhe Policia e Kosovës ka bërë të ditur se i dyshuari është ndaluar për 48 orë dhe po hetohet për krime të kryera më 6 prill 1999, në komunën e Vushtrrisë.

Sipas hetimeve, ai ka shërbyer si rezervist aktiv në MUP-in serb. /Zëri