Hargreaves shtron iftar për stafin e ambasadës britanike

Ambasadori britanik në Kosovë, Jonathan Hargreaves, ka shprehur nderin e tij të pres disa anëtarë të stafit të Ambasadës për iftar, në kuadër të muajit të shenjtë islam të Ramazanit.

Në një postim në rrjetet sociale, ambasadori Hargreaves theksoi rëndësinë e këtij muaji për reflektim dhe përkujdesje, duke theksuar se Ramazani është një periudhë e rëndësishme për reflektim mbi vlerat dhe traditat e përbashkëta që ndajnë komunitetet.

”Ishte një nder për mua të mikpritja disa nga stafi ynë i Ambasadës për iftar. Muaji i bekuar i Ramazanit është një kohë e rëndësishme për reflektim mbi vlerat dhe traditat tona të përbashkëta”, ka shkruar ambasadori Hargreaves në profilin e tij zyrtar në rrjetin social Facebook.