Në prag të Pavarësisë, Endriti me AI krijon një video të Hashim Thaçit me Ismail Qemalin

Endritit, djalit të ish-presidentit të Kosovës Hashim Thaçit, duket se po ia do goxha mirë me teknologjinë.

Ai në vigjilje të 17 vjetorit të shpalljes së Pavarësisë, e ka krijuar një video me inteligjencën Artificiale apo siç njihet AI.

Videoja në fjalë tregon Hashim Thaçin dhe ish-kryeministrin e parë të Shqipërisë së pavarur Ismail Qemalin.

Simbolika e kësaj videoje është se Thaçi më 17 shkurt të 2008-tës shpalli Kosovën e pavarur kurse Qemali më 28 nëntor 1912, Shqipërinë.

“Ata që e ndajnë të njëjtin ideal, ecin krah për krah në histori pavarësisht se mund të jetojnë në epoka të ndryshme. Farën e mbjellë nga rilindasit e korrëm me breza por kulmet e idealit u arritën në Vlorën e vitit 1912 dhe në Prishtinën e vitit 2008. Tash radhën e ke ti”, thuhet në videon e postuar në story.