Begaj përgëzon qytetarët e Kosovës për procesin e votimit

“Përgëzime qytetarëve të Kosovës që shprehën vullnetin e lirë me votën e së dielës!”.

Kështu është shprehur Presidenti i Republikës së Shqipërisë, Bajram Begaj në lidhje me zgjedhjet e mbajtura sot në Kosovë.

“Qeveria e re e dalë nga zgjedhjet urojmë të vazhdojë punën për të mirën e vendit me zhvillimin e reformave dhe përparimin e progresit ekonomik dhe në bashkëpunim me partnerët ndërkombëtarë për një Kosovë të qëndrueshme dhe të aftë për të avancuar në proceset euroatlantike”.