Pas pushimit, të hënën rifillon procesi ndaj Thaçit, Veselit, Selimit e Krasniqit
Ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi, do të dalin nesër para trupit gjykues.
Gjykata Speciale rifillon punën pas pushimit dimëror, duke thirrur nesër në seancë ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi.
Procesi i rregullt do të mbahet nga e hëna në të enjten, me fillim nga ora 09:00.
Ndërkohë, Dhomat e Specializuara të Kosovës kanë vendosur të pranojnë me shkrim dëshmitë e dy dëshmitarëve.
Gjatë vitit 2024 në këtë rast janë mbajtur gjithsej 107 seanca, kurse në total janë kaluar 182 ditë në sallën e gjyqit që nga fillimi i gjykimit.
Kanë dëshmuar gjithsej 110 dëshmitarë të ZPS-së.
Gjatë vitit 2023 dëshmuan 39 prej tyre dhe dëshmitari i 39-të e përfundoi dëshminë në janar të 2024-ës.
Gjatë 2024-ës kanë dëshmuar edhe 71 dëshmitarë të tjerë.
Aktualisht numri i viktimave pjesëmarrëse në këtë proces është 154.
