Vitia njofton për hapjen e konkursit për specializime, 268 vende në 37 lëmi
Ministri i Shëndetësisë, Arben Vitia ka nënshkruar sot vendimin për hapjen e konkursit të ri për specializime.
Vitia ka njoftuar se konkursi është hapur për 268 vende në 37 lëmi specialistike, transmeton Zeri.info.
Njoftimi i plotë nga Vitia:
E nënshkrova vendimin për hapjen e konkursit të ri për specializime. Janë të hapura 268 vende në 37 lëmi specialistike për mjekët, stomatologët dhe farmacistët.
Ky është konkursi i 4 brenda 21 muajve.
Kemi shpallur mbi 820 vende të reja për specializime për nevojat e të gjithë sektorit shëndetësor.
Me organizim e planifikim arritëm të mbulojmë mungesat në lëmitë specialistike, sidomos në Anesteziologji, Mjekësi Emergjente, lëmitë e shëndetit publik e Nefrologji për shërbimet e reja në rajone.
Suksese në këtë proces aplikantëve!
