Kurti falënderon punëtorët dhe zyrtarët e institucioneve që po punojnë në sanimin e dëmit në Ibër-Lepenc

Kryeministri Albin Kurti, ka thënë se punëtorët dhe zyrtarët e institucioneve të shtetit po bëjnë një punë të jashtëzakonshme dhe vetëmohuese në sanimin e dëmit të shkaktuar nga shpërthimi i mbrëmshëm në kanalin e Ibër-Lepencit.

Kurti ka falënderuar të gjithë ata që janë angazhuar për të sanuar dëmet.

“I falënderoj punëtorët e Ibër Lepencit, KEK-ut, Agjencisë së Menaxhimit të Emergjencave, KRU Prishtinës dhe Policisë së Kosovës, për zellin dhe profesionalizmin që po shfaqin orë pas ore”, ka shkruar Kurti. /Zëri