Tajvani heq vizat për Kosovën
Zv.ministri i Jashtëm, Kreshnik Ahmeti, ka bërë të ditur se Tajvani ka hequr regjimin e vizave për kosovarët.
Ministri ka shkruar se duke filluar nga 1 dhjetori 2024, qytetarët e Republikës së Kosovës me pasaporta të rregullta, diplomatike ose zyrtare do të mundë të udhëtojnë pa viza drejt Tajvanit.
“Duke filluar nga 1 dhjetori 2024 qytetarët e Republikës së Kosovës me pasaporta të rregullta, diplomatike ose zyrtare do të mundë të udhëtojnë pa viza drejt Tajvanit. Kjo shënon një hap tjetër të rëndësishëm në fuqizimin ndërkombëtar të pasaportës së Kosovës, ku vetëm brenda këtij mandati qeverisës u mundësua udhëtimi pa viza në Zonën Schengen, Emiratet e Bashkuara Arabe, Tajlandë, Izrael dhe tani edhe në Tajvan. Kjo mundësi e re për lëvizje të lirë me Tajvanin hap rrugën për partneritete ekonomike, shkëmbime arsimore dhe bashkëpunim kulturor midis dy shoqërive tona”, shkroi Ahmeti.
