Policia vendos pengesa të pjesërishme tek ura e Bërnjakut, Elshani jep detaje
Aktuale
September 26, 2024 - 14:29
Policia e Kosovës është duke vendosur pengesa mbi urën e Bërnjakut, siç ka thënë, me qëllim të parandalimit të kontrabandës.
Lajmin ka konfirmuar zëvendësdrejtori i Policisë për rajonin e veriut, Veton Elshani.
Elshani ka thënë se këto pengesa bllokojnë kalimin e kamionëve, kurse për veturat e vogla kalimi është i mundur.
“Policia e Kosovës po vendos pengesa te pjesërishme tek ura e Bërnjakut, me qëllim të parandalimit të kontrabandës. Aty nuk mund të kalojnë kamionët, ndërsa për veturat e vogla kalimi është i mundur”, tha Elshani. /Zëri