Lista Serbe i fton qytetarët serbë të dalin në protestë

Në prag të protestës së paralajmëruar për në orën 11:00 nga serbët lokalë në Mitrovicën e veriut, RTK-ja nga burimet e veta ka mësuar se Lista Serbe në vazhdimësi po u bën thirrje qytetarëve në veri të dalin në protestë në numër sa më të madh.

Sipas Policisë së Kosovës, protesta është paralajmëruar nga një grup i qytetarëve të komuniteti serb në veri të Mitrovicës, derisa janë ndërmarrë të gjitha masat e nevojshme për të mbajtur rendin dhe qetësinë publike.