Punëtorët teknikë të shkollave në Prishtinë sot hyjnë në grevë

Punëtorët teknikë të shumë shkollave në Prishtinë sot do të hyjnë në grevë për shkak të pagave të ulëta.

Kështu ka njoftuar ditë më parë kryetari i Sindikatës së Punëtorëve të Sektorit Privat, Jusuf Azemi.

“Shumë shkolla në Prishtinë nga e hëna do të mbesin pa shërbime nga punëtorët teknikë, pasi që ata do të hynë në grevë për shkak të pagave të ulëta”, ka treguar Azemi.

Ai ka bërë të ditur se në rast që greva e tyre nuk do të ketë sukses, punëtorët teknikë nuk do të kthehen në punë me këto paga që i kanë aktualisht.

“Këta punëtorë kanë marrë vendim që nëse nuk do të ketë sukses greva brenda javës së ardhshme , ftojnë komunën që të gjejë punëtor tjerë sepse këta më nuk do t’i kthehen punës me këto paga, vendim i të gjithë punëtorëve në mënyrë unanime”, ka shkruar Azemi.