Zhdukja e ish-ushtarit të UÇK-së në Pejë, ende asnjë gjurmë tash mbi tre muaj
Aktuale
July 01, 2023 - 22:28
Samir Puza nga Peja është i zhdukur që nga 25 marsi. Për ish-ushtarin e UÇK-së, prej asaj kohe nuk dinë gjë familja.
Familjarë e komshi pohojnë se dolën për ta kërkuar, por deri tash pa rezultate.
Të afërmit e 38-vjeçarit të zhdukur prej më shumë se 3 muajsh po thonë se janë zhgënjyer me organet e rendit që sipas tyre nuk bënë mjaftueshëm për gjetjen e tij.
Megjithëkëtë, prokurorja e rastit Sahide Gashi tha se po përcjellin çdo gjurmë për identifikimin e personit.
E njëjta tha se kanë marrë kamerat e sigurisë në qytet, kanë angazhuar edhe ekipet e kërkimit duke e përdorur edhe dronin, por deri tashti nuk kanë rënë në gjurmë të ish-ushtarit, ndonëse përpjekjet po vazhdojnë. /klankosova
