Dramë në Hoçën e Madhe, një serb kërcënon me vetëvrasje pasi policia shkoi të konfiskojë alkool [video]

Dramë në Hoçën e Madhe, një serb kërcënon me vetëvrasje pasi policia shkoi të konfiskojë alkool [video]

Aktuale December 08, 2022 - 14:09

Hoça e Madhe aktualisht është shumë e tensionuar, për shkak të tentimit të Doganës së Kosovës për të konfiskuar një sasi të madhe vere të familjes Petroviq.

Mediat në gjuhën serbe raportojnë se një numër i madh banorësh janë në rrugë, pjesëtarët e Njësisë Speciale të Policisë janë para shtëpisë së banorit Srdan Petroviq, ndërsa djali i tij ka hipur në kulmin e shtëpisë dhe po kërcënon të hidhet, transmeton Zeri.info.

Image

Banorët serbë janë mbledhur në mbështetje të familjes Petroviq që nga mëngjesi i sotëm, ndërsa po tentojnë të pengojnë aksionin e Doganës, i mbështetur nga Policia.

Banorët po përpiqen të bindin policët e Kosovës të heqin dorë nga konfiskimi i verës nga vreshta e Petroviqit.

Dogana e Kosovës mëngjesin e sotëm ka njoftuar se gjatë një kontrolli në Hoçën e Madhe të Rahovecit kanë zbuluar se pijet alkoolike shiten pa autorizim dhe për këtë kanë marrë vendim për konfiskimin e 42 mijë litrave pije alkoolike. /Zëri