Haki Abazi jep dorëheqje nga Komisioni Hetimor për Energji
Deputeti i Kuvendit të Kosovës nga radhët e LVV-së, Haki Abazi, ka dhënë dorëheqje nga pozita e anëtarit të Komisionit Hetimor Parlamentar për Energjinë.
Lajmin e ka bërë të ditur kryesuesi i këtij komisioni nga radhët e PDK-së, Hajdar Beqa.
“Po, është e vërtetë që ka dhënë dorëheqje, për këtë gjë unë do ta njoftoj sot Komisionin në mbledhjen që do ta mbajmë sot”, ka thënë Beqa.
Ai ka shtuar se i mbetet Grupit Parlamentar të LVV-së që në mbledhjen e radhës të bëjë zëvendësimin e Abazit me ndonjë deputet tjetër.
Ky komision ishte propozuar nga partia në pushtet, Lëvizja Vetëvendosje.
Ndryshe, anëtari tjetër i këtij komisioni nga PDK-ja është deputeti Rashit Qalaj.
Nga Lëvizja Vetëvendosje (LVV) tash pa Haki Abazin, do të jenë deputetët Armend Muja, Arbër Rexhaj, Halil Thaçi dhe zëvendëskryesues Armend Muja.
Nga Lidhja Demokratike e Kosovës (LDK) Armend Zemaj anëtar dhe deputetja Rezarta Krasniqi.
Nga Aleanca për Ardhmërinë e Kosovës (AAK) anëtare është deputetja Time Kadrijaj.
Nga Lista Serbe (LS) për anëtar është Ljubinko Karadziq, si dhe nga grupi multietnik për anëtare është Duda Balje. /telegrafi
