Punëtorët e Lotarisë së Kosovës, nesër protestë para Qeverisë
Aktuale
May 24, 2022 - 15:07
Punëtoret e Lotarisë së Kosovës nesër do të mbajnë protestë para Qeverisë.
Përmes një njoftimi, ata kanë bërë të ditur se protesta e së mërkurës do të nisë prej orës 11:30, ndërsa janë shprehur të indinjuar me neglizhencën dhe injorimin nga ana e Qeverisë, transmeton Zeri.info.
“Të indinjuar me neglizhencën dhe injorimin nga ana e Qeverisë së Kosovës, përkundër premtimeve të bëra, protestat do te vazhdojnë deri në përmbushjen e kërkesave tona e që janë Ligji për Lotarinë e Kosovës dhe përmbushja e obligimeve, pagave për punetorët tanë”, thuhet në njoftim.
Kjo është e disata herë që këta punëtorë po protestojnë për kërkesat e tyre. /Zëri