SHBA-ja falënderon Serbinë për mbështetje ndaj Ukrainës
Ndihmëssekretarja amerikane e Shtetit për çështje të Evropës dhe Euro-Azisë, Victoria Nuland, e ka falënderuar Serbinë, për siç ka thënë “për mbështetjen e saj ndaj Ukrainës”.
Nuland ka njoftuar se sot ka biseduar me presidentin e Serbisë, Aleksandar Vuçiq, “për ta falënderuar për mbështetjen e Serbisë për Ukrainën, përpjekjet e vazhdueshme për të adresuar krizën humanitare dhe përkushtimin për stabilitetin rajonal", transmeton Zeri.info.
Ajo më tej shton se SHBA-ja mirëpret marrëdhëniet e mira të Serbisë me fqinjët dhe përparimin drejt rrugës evropiane.
“E kënaqur të flas me Presidentin serb Aleksandar Vuçiq, për ta falënderuar Serbinë për mbështetjen e saj për Ukrainën, përpjekjet e vazhdueshme për të adresuar krizën humanitare dhe përkushtimin për stabilitetin rajonal. Ne mirëpresim marrëdhëniet e mira të Serbisë me fqinjët dhe përparimin e vazhdueshëm në rrugën e saj evropiane”, ka shkruar Nuland në Twitter.
Pleased to speak with ëSerbian President @avucic to thank Serbia for its support for Ukraine, ongoing efforts to address the humanitarian crisis, and commitment to regional stability. We welcome Serbia’s good relations with neighbors & continued progress along its European path.
— Under Secretary Victoria Nuland (@UnderSecStateP) March 9, 2022
Kujtojmë se Serbia është në mesin e pak shteteve që ka refuzuar t’i vendos sanksione Rusisë pas pushtimit të Ukrainës. /Zëri
