Lladrovci përgëzon emërimin e Bashkim Jasharit komandant të FSK-së, vlerëson lart Rrahman Ramën

Kryetari i komunës së Drenasit, Ramiz Lladrovci, ka përgëzuar gjeneral Rrahman Ramën për kontributin e tij nga koha e luftës çlirimtare e deri në pozitën e Komandantit të FSK-së, njëherësh, ka uruar gjeneral Bashkim Jasharin për emërimin në krye të FSK-së.

Lladrovci ka shkruar se “Gjeneral Bashkim Jashari, është dëshmitar i lindjes së historisë tonë të re, kontribuues dhe bartës i përgjegjësive të papërsëritshme në trashëgiminë çlirimtare dhe shtetndërtuese, nga UÇK-ja e deri tash, Ushtrinë e Kosovës”.

Postimi i plotë i Ramiz Lladrovcit:

Gjeneral Rrahman Ramën e përgëzoj për kontributin e madh në UÇK, TMK dhe FSK, si ushtar i UÇK-së e deri në arritjen e gradës Gjeneral dhe komandant i FSK-së.

Gjeneral Rama, është model i ushtarit, ushtarakut dhe komandantit të suksesshëm të FSK-së. I dëshiroj suksese në jetë dhe gjithë të mirat. Respekt për punën tuaj Gjeneral!

Gjeneral Bashkim Jashari, është dëshmitar i lindjes së historisë tonë të re, kontribuues dhe bartës i përgjegjësive të papërsëritshme në trashëgiminë çlirimtare dhe shtetndërtuese, nga UÇK-ja e deri tash, Ushtrinë e Kosovës.

Emërimin e gjeneral Jasharit Komandant të FSK-së, e përshëndes nga zemra, me përgëzimet më të mira për sukseset e mëtejme të fuqizimit të saj, në vazhdimin e rrugës së ushtrisë tonë brenda NATO-s dhe t’i shërbej paqes dhe bashkëpunimit.

Urime, suksese gjeneral Bashkim Jashari!