Daut Haradinaj apelon tek organet e rendit që sa më shpejt t’i zbulojnë autorët e krimit në Gllogjan

Ish-deputeti i AAK-së që vjen nga rajoni i Deçanit, Daut Haradinaj, ua ka shprehur ngushëllimet më të thella familjarëve që humbën të afërmit e tyre në këtë tragjedi.

Ai përmes një postimi në facebook ka apeluar tek organet e rendit që në kohë sa më të shpejtë të zbulojnë autorët, që meritojnë ndëshkimin më të ashpër ligjor.

“Rasti i mbrëmshëm në Gllogjan na ka tronditur thellësisht të gjithëve. Familjarëve të të vrarëve ju shpreh ngushëllimet më të sinqerta, bashkëndjejmë me ta në këtë situatë tejet të rëndë!

Apeloj tek organet e rendit që në kohë sa më të shpejtë të zbulojnë sa më parë autorët, që meritojnë ndëshkimin më të ashpër ligjor!”.