Sveçla thotë se ishin koordinuar me ndërkombëtarët për aksionin e sotëm

Sveçla thotë se ishin koordinuar me ndërkombëtarët për aksionin e sotëm

Aktuale October 13, 2021 - 16:48

Ministri i Punëve të Brendshme, Xhelal Sveçla ka treguar se për aksionin e sotëm kundër kontrabandës në disa komuna të Kosovës ka pasur koordinim me aleatët ndërkombëtar.

Sveçla ka thënë se ka pasur përfaqësues ndërkombëtar në qendrat operative të policisë, që i ndihmojnë për të kryer detyrat e tyre, transmeton Zeri.info.

“Ky aksion është kundër kontrabandës që është një plagë që po kullon financa për shtetin e Kosovës.Ne Kemi pas koordinim me aktorët ndërkombëtar për këtë aktivitet, ne kemi koordinim të vazhdueshëm qoftë në qendrën operative dhe kam vrejtur përfaqësues të aleatëve tanë që na ndihmojnë në kryerjen e detyrave tona”, ka thënë Sveçla në konferencën për media.

Ai po ashtu tha se, aksione të këtilla në luft kundër kontrabandës ka gati çdo ditë, ndërsa shtroi pyetjen nëse duhet gjithmonë që Policia e Kosovës të koordinohet me dikë. /Zëri