Flet aktori i njohur i “Ça ka shpija” të cilit Policia e Kosovës ia hoqi tabelat e Serbisë në mes të Prishtinës

Flet aktori i njohur i “Ça ka shpija” të cilit Policia e Kosovës ia hoqi tabelat e Serbisë në mes të Prishtinës

Aktuale September 21, 2021 - 15:00

Vendimi për masën e reciprocitetit të targave ndaj Serbisë, gjatë ditës gjeti zbatim edhe në Prishtinë.

Policia e Kosovës në qendër të kryeqytetit kishte ndaluar një veturë me targa të Serbisë, derisa po ia vendosnin ato të përkohshme RKS.

Gazeta Online “Reporteri.net“, ka kontaktuar me personin në fjalë, e që është Kastriot Saqipi nga Lugina, njëherit aktor në serialin “Ça ka shpija”, ku i njëjti është shprehur se Policia e Kosovës ishte shumë korrekte pasi po zbatonte urdhërin.

“Sa i përket sjelljes së policit, ka qenë shumë e mirë, ka zbatuar urdhëresën dhe jemi shumë në rregull”, tha fillimisht ai.

Tutje ai shtoi se do ta mbështes këtë vendim pasi ligji është ligj dhe duhet respektuar.

“E përkrahi reciprocitetin, dhe me qejf i paguaj 5 euro. Ligji është ligj, këtë e kemi kërkuar prandaj duhet ti gëzohemi kësaj. Po ashtu me qejf po i mbaj emblemat e Kosovës” tha aktori.

Kastriot Saqipi gjithashtu tregoi se mban dy nënshtetësi atë të Serbisë, si Preshevar me prejardhje, dhe atë të Kosovës.

“Kam dy shtetësi, atë të Preshevës ku kam nënë e babë dhe të Kosovës ku jetoj me familje”, përfundoi ai.

Ndryshe, qysh në orët e para të mëngjesit të ditës së sotme, në kufijtë e Kosovës me Serbinë, Policia e Kosovës ka nisur të aplikojë vendosjen e targave të përkohshme RKS për veturat që kanë targa nga Serbia.