Rritje e shpejtë e rasteve me COVID-19 – për një ditë dyfishohen shifrat
Aktuale
August 04, 2021 - 17:01
Kosova ka shënuar një rritje të shpejtë të rasteve të reja me COVID-19, ndërsa thirrjet për vaksinim vazhdojnë.
Ministria e Shëndetësisë njoftoi se në 24 orët e fundit në vendin tonë janë regjistruar 221 raste të reja me COVID-19, apo dyfish më shumë se sa një ditë më parë kur ishin 110 raste, shkruan Zeri.info.
Që nga 1 gushti, në Kosovë janë shënuar 479 raste të reja dhe dy të vdekur. Po ashtu edhe numri i rasteve aktive me koronavirus është rritur, ku aktualisht janë 888.
Në anën tjetër bashkë me fushatën për vaksinim po vazhdon edhe apeli i institucioneve për vaksinim, ku prej fillimit të vaksinimit në të gjitha qytetet e Kosovës janë dhënë 460.297 doza të vaksinës.
Deri më sot 162.807 qytetarë janë vaksinuar me dozën e dytë. /Zëri
