Plagosje me armë në Tiranë, arrestohet një nga autorët
Një plagosje me armë zjarri ka ndodhur mesnatën e kaluar në rrugën “Karaman Ylli” në kryeqytet. Policia njofton se një 34-vjeçar ka mbetur i plagosur në këmbë dhe ndodhet jashtë rrezikut për jetën, ndërsa është arrestuar një nga autorët e dyshuar të plagosjes, 33-vjeçari me iniciale K. Sh.Polia ka shpallur në kërkim edhe vëllain e tij 25-vjeçar si bashkëautor në këtë ngjarje.
Njoftimi i Policisë Tiranë
Specialistët për Hetimin e Krimeve në Komisariatin e Policisë Nr.4, falë reagimit në kohë dhe veprimeve hetimore dhe profesionale bënë të mundur arrestimin e njërit prej autorëve të dyshuar, konkretisht shtetasin K. Sh., 33 vjeç, për veprat penale “Vrasje me dashje e mbetur në tentativë” e kryer në bashkëpunim” “Armëmbajtja pa leje” dhe “Prishja e qetësisë publike”
Dhe po për të njëjtat vepra penale shpallën në kërkim vëllain e tij shtetasin R. Sh., 25 vjeç.
Gjithashtu u shpall në kërkim për veprat penale “Moskallzim krimi” dhe “Plagosje e lehtë me dashje” dhe shtetasi V.P.
Shtetasit K. Sh dhe R. Sh (vëllezër)në bashkëpunim me njëri-tjetrin, mbrëmjen e djeshme, rreth orës 23:45, pas një konflikti të çastit për motive të dobëta, në rrugën “Karaman Ylli” kanë plagosur me armë zjarri në këmbë, shtetasin E. Gj., 34 vjeç, i cili ndodhet nën kujdesin e mjekëve, jashtë rrezikut për jetën.
Nën drejtimin e Prokurorisë vijon puna për dokumentimin e plotë të kësaj ngjarje.
Materialet i kaluan Prokurorisë së Rrethit Gjyqësor Tiranë, për veprime të mëtejshme./a2cnn