Infektuar: 107497
Shëruar: 104054
Vdekur: 2245
Punëtorët në rrugën “Muharrem Fejza” po hasin në vështirësi nga kyçjet ilegale në ujësjellës

Punëtorët në rrugën “Muharrem Fejza” po hasin në vështirësi nga kyçjet ilegale në ujësjellës

Aktuale May 12, 2021 - 10:15

Në kryeqytet nga data 28 prill kanë filluar punimet për rregullimin e rrugës “Muharrem Fejza”, raporton Zeri.info.

Drejtori i Investimeve Kapitale në Komunën e Prishtinës, Gëzim Rafuna-Mehmeti, ka thënë se gjatë punimeve janë hasur kyçje ilegale në rrjetin e furnizimit me ujë, e të cilat sipas tij po vështirësojnë punimet.

Rafuna-Mehmeti ka bërë të ditur se dyshohet që kyçjet ilegale përveçqë janë bërë në gypin që i furnizon qytetarët, janë bërë edhe në gypin që furnizon Qendrën Klinike Universitare të Kosovës (QKUK).

“Gjatë punimeve në rrugën ‘Muharrem Fejza’ po hasin në kyqje ilegale në rrjetin e furnizimit me ujë, këto kyçje të shumta, të paevidentuara, po i vështirësojnë punimet. Dyshohet së kyçjet janë bërë pa leje, ilegale, përveç në gypin që i furnizon qytetarët, kyçjet janë realizuar edhe në gypin që e furnizon Qendrën Klinike Universitare të Kosovës (furnizimi ka karakter emergjent)”, ka shkruar Rafuna-Mehmeti në Facebook.

Sipas njoftimit nga Komuna e Prishtinës, për shkak të punimeve kjo rrugë do te jetë e bllokuar nga data 26.04.2021.

Kjo është një ndër rrugët më të ngarkuara të kryeqytetit, ndërsa ka pasur ankesa të shpeshta nga banorët për gjendjen e saj. /Zëri

Image