Lidhja e Historianëve kërkon nga partitë politike ta shpallin Listën Serbe organizatë terroriste
Lidhja e historianëve e Kosovës “Ali Hadri” - Dega në Deçan, përmes një letre publike kanë thënë se Kosova pa sukses e ka kryer procesin zgjedhor në zgjedhjet e 14 shkurtit.
Lidhja e Historianëve e ka cilësuar si pa sukses procesin zgjedhor për faktin e devijimit të vullnetit të qytetarëve të pakicave joserbe në Republikën e Kosovës.
Sipas tyre, rezultatet zyrtare të shpallura nga Komisioni Qendror i Zgjedhjeve treguan një devijim tej mase të votave për komunitetet joshumicë, devijim ky sipas tyre i ardhur nga orkestrimet e Beogradit e nëpërmjet Listës Serbe.
Në letrën publike të dërguar për u.d. e presidentes Vjosa Osmanin dhe krerët e partive të tjera në vend, Lidhja e Historianëve ka kërkuar që Lista Serbe të shpallet parti politike jokushtetuese në Kosovë, si dhe të shpallet organizatë terroriste.
“Duke e parë këtë akt antidemokratik dhe joligjor që ka bërë Lista Serbe (kjo argumentohet më së miri me akuzat publike dhe të bazuara që kanë bërë partitë politike të komuniteteve joshumicë) dhe duke vlerësuar se Lista Serbe ka shkelur rëndë mbi rendin kushtetues dhe juridik të Republikës së Kosovës, kërkojmë nga ana e juaj që të nisni procedurat zyrtare dhe ligjore që Lista Serbe të shpallet parti politike jokushtetuese në Kosovë dhe të shpallet organizatë terroriste. Kjo nisme ligjore duhet të merret nga ana e juaj, kur dihet se ju jeni përfaqësuesit me legjitimë që keni dalë nga votat e popullit të shqiptarëve dhe në të njëjtën kohë ju përfaqësoni më së miri të gjitha komunitetet si shumicën absolute shqiptare, po ashtu edhe pakicat që jetojnë në territorin e Republikës së Kosovës”, thuhet në letër.
Letra e plotë:
LETËR PUBLIKE
- Dr. Vjosa Osmani, ushtruese e detyrës së Presidentes së Republikës së Kosovës,
- Albin Kurti, kryetar i Lëvizjes Vetëvendosje (LVV),
- Enver Hoxhaj, ushtrues i detyrës së kryetarit të Partisë Demokratike të Kosovës, (PDK),
- Isa Mustafa, kryetar në dorëheqje i Lidhjes Demokratike të Kosovës (LDK),
- Ramush Haradinaj, kryetar i Aleancës për Ardhmërinë e Kosovës (AAK),
- Emilia Rexhepi, kryetare e Nova Demokratska Stranka (NDS),
- Veton Berisha, kryetar i Partisë Liberale Egjiptiane në Kosovë, (PLE),
- Duda Balje, kryetare e Partisë Bashkimi Socialdemokrat (SDU),
- Albert Kinolli, kryetar i Partisë Rome të Bashkuare të Kosovës, (PRBK)
- Elbert Krasniqi, kryetar i Partisë Iniciativa e Re Demokratike e Kosovës (IRDK),
- Nenad Rashiq, kryetar i Partisë Demokratike Progresive Serbe (PDS), dhe
- Sllobodan Petkoviq, kryetar i Iniciativës Lidhja Demokratike Serbe (ISDI).
Të nderuar,
Kosova pa suksese 1 ka kryer procesin zgjedhor për zgjedhjet e parakohshme për Kuvendin e Republikës së Kosovës, zgjedhje këto që u mbajtën me 14 shkurt 2021, në bazë të dekretit të shpallur nga ushtruesja e detyrës së Presidentes së Republikës së Kosovës, Dr.Vjosa Osmani-Sadriu.
Rezultatet zyrtare të shpallura nga Komisioni Qendror i Zgjedhjeve, tregoj një devijim tej mase të votave për komunitetet jo shumicë, devijim ky i ardhur nga orkestrimet e Beogradi e nëpërmjet Listës serbe, organizim ky politik i serbëve të Kosovës, duke themeluar dhe përkrahur iniciative fantome politike në vendin tonë.
Duke e parë këtë akt anti demokratik dhe jo ligjor që ka bere Lista serbe (kjo argumentohet me se miri me akuzat publike dhe të bazuara që kanë bëre partitë politike të komunitete jo shumicë), dhe duke vlerësuar se Lista serbe ka shkelur rend mbi rendin kushtetuese dhe juridike të Republikës së Kosovës, kërkojmë nga ana e juaj që të nisni procedurat zyrtare dhe ligjore që Lista serb të shpallët parti politike jo kushtetuese në Kosovë dhe të shpallët organizatë terroriste.
Kjo nisme ligjore, duhet të merret nga ana e juaj, kur dihet se ju jeni përfaqësuesit me legjitim që keni dalë nga votat e popullit të shqiptarëve, dhe në të njëjtën kohë ju përfaqësoni me se miri të gjitha komunitetet si shumicën absolute shqiptare po ashtu edhe pakicat që jetojnë në territorin e Republikës së Kosovës.
Është koha e fundit, që të merret iniciativa ligjore që Lista serbe të shpallët organizëm politik anti kushtetuese dhe organizatë terroriste, ngase politika e saj anti shtetit të Kosovës vetëm sa do të i thelloj edhe me tej probleme mes komunitete jo 1 Kur me lartë e cekem pa suksese, e argumentojmë me faktin e devijimit të vullnetit të qytetarë të pakicave jo serbe në Republikën e Kosovës.
Lista serbe gjatë gjithë aktivitetit të saj politik në institucionet e Republikës së Kosovës, ka dëshmuar se është organizëm terroristë, ngase ka sulmua gjithnjë institucionet e vendit tonë. Ish zyrtarët e saj, edhe pse kanë mbajtur detyra zyrtare në Republikën e Kosovës, ata kanë prodhuar probleme juridike ngase Kosovës nuk ju kanë referuar me emrin e saj kushtetues dhe ligjor, Republika e Kosovës.
Andaj, ne kërkojmë nga ana e juaj që të merret shumë seriozisht nisja e proceduara ligjore dhe shpallja anti kushtetuese dhe organizatë terroristë Lista serbe.
Nëpërmjet kësaj letre publike, i bëjmë thirrje Ambasadës së Shteteve të Bashkuara të Amerikës në Kosovë, Ambasadës së Britanisë së Madhe në Kosovë, Ambasadës së Gjermanisë në Kosovë, Ambasadës së Italisë në Kosovë, Ambasadës së Francës në Kosovë dhe misionit të Bashkimit Evropian në Kosovë, që të dënojnë fuqishëm devijimin e vullnetit politik të komuniteteve jo shumicë në Kosovë. Sulmi politik i serbëve ndaj pjesës tjetër të komuniteteve në Kosovë duhet të dënohet dhe të mos përkrahet me heshtje nga faktori ndërkombëtar në vendin tonë.
