Grenell: Bideni e ka nxitur Kurtin që ta mbështeste demarkacionin, por ai zgjodhi terrorizmin
Ish-emisari i Administratës së Donald Trumpit, Richard Grenell ka vazhduar të hedh akuza ndaj kreut të LVV-së, Albin Kurti, se është kundër politikave amerikane.
Grenell në një postim në “Twitter” ka shkruar se Bideni e ka nxitur Kurtin që ta mbështeste demarkacionin, por që ai ka zgjedhur terrorizmin.
“Albin Kurti ka hedhur gaz lotsjellës në Kuvendin e Kosovës në një përpjekje për ta ndalur presidentin Obama që ta mbështesë demarkacionin e kufirit me Malin e Zi. Joe Biden gjithashtu e ka nxitur Kurtin në atë kohë që ta mbështesë demarkacionin – por, ai në vend të kësaj zgjodhi terrorizmin”, ka shkruar ai në “Twitter”. /Zëri
Albin Kurti threw tear gas into Kosovo’s parliament in an effort to stop the President Obama supported demarcation with Montenegro.
— Richard Grenell (@RichardGrenell) March 2, 2021
Joe Biden also urged Kurti at the time to support the demarcation - and he resorted to terrorism instead.https://t.co/91qV6tQUNH
