Donika Emini: Kurti s’mund ta zhbëjë “Washingtonin”, në LVV ka njerëz që mendojnë se Izraeli duhet të zhduket nga harta

Donika Emini: Kurti s’mund ta zhbëjë “Washingtonin”, në LVV ka njerëz që mendojnë se Izraeli duhet të zhduket nga harta

Aktuale March 01, 2021 - 09:42

Analistja nga Kosova, Donika Emini, tha se diskutimi lidhur me ambasadën në Jerusalem nuk i shërben aspak politikës së jashtme të Kosovës, që është një shtet i vogël ekzistenca e të cilit lidhet me partnerët e saj strategjikë, SHBA dhe BE.

Teksa theksoi faktin se ambasada tashmë është vendosur në Jerusalem dhe Kosova ka dërguar përfaqësuesin e vet diplomatik, znj. Emini e lidh këtë diskutim me strategjinë e ndjekur nga Albin Kurti gjatë fushatës me qëllim që të fitonte sa më shumë vota.

Sipas saj, ky qëndrim kontrovers i Kurtit lidhur me marrëveshjen e Washingtonit ka të bëjë edhe me faktin se në listat e Vetëvendosjes ka njerëz me prirje të theksuara islamike që mendojnë madje se Izraeli nuk duhet të ekzistojë fare në hartë.

“Kurti është kontrovers lidhur me marrëveshjen me SHBA. Është e panevojshme për një shtet të vogël si Kosova që varet nga marrëdhënia me partnerët strategjikë, SHBA-BE.

Ai nisi me gjënë që është më  e pamundur, të zhbësh një marrëveshje me SHBA. Strategjikisht Kurti ka luajtur për të rritur numrin e votave, ka brenda një grup kontrovers islamik, ka brenda listës njerëz që mendojnë se Izraeli duhet të zhduket fare nga harta”, u shpreh analistja Emini./euronews/