Çka po paralajmëron Avdullah Hoti me këtë foto me Kujtim Shalën?!
Kryeministri në detyrë, Avdullah Hoti, ka publikuar një fotografi ku shihet së bashku nënkryetarin e LDK-së, Kujtim Shala.
“Mirëmbrëma të gjithë anëtarëve të LIDHJES”, ka shkruar ai sipër fotografisë së publikuar në Facebook.
Ky postim vije pak para zgjedhjeve për të parin e Lidhjes Demokratike të Kosovës.
Ndryshe, sekretari i LDK-së, Arban Abrashi, pas përfundimit të mbledhjes së kryesisë të mbajtur dje, ka thënë se në atë takim është diskutuar për caktimin e Kuvendit të ri zgjedhor.
Në një adresim për medie, Abrashi ka thënë se Kuvendi ku do të zgjidhet kryetari i ri i Lidhjes Demokratike të Kosovës pritet të mbahet më 14 mars.
“Në takimin e sotëm është caktuar një datë për ta thirrur Kuvendin për kryetarin e ri të LDK-së. Është diskutuar edhe për trupat tjerë për mbarëvajtjen e procesit zgjedhor. Më 14 mars, synojmë ta mbajmë këtë mbledhje”, është shprehur ai.