PDK-ja gjobitet me 2000 euro për mosrespektim të masave anti-COVID
Aktuale
January 25, 2021 - 11:18
Partia Demokratike e Kosovës është gjobitur për shkak se nuk ka respektuar masat anti-COVID në një tubim publik në Prishtinë.
Kjo është bërë e ditur nga drejtori i Inspektoratit në Komunën e Prishtinës, Adonis Tahiri.
“Askush mbi ligjin! Zbatimi i masave dhe ruajtja e shëndetit publik është obligim për të gjithë”, ka shkruar Tahiri, ku ka publikuar edhe gjobën që ka marrë PDK-ja.
Deri tani Komuna e Prishtinës është e vetmja që po shqipton gjoba për tubimet e partive politike në kundërshtim të masave anti-COVID, derisa partitë po shihen në çdo komunë duke mbledhur qytetarë para fushatës zgjedhore. /Zëri
Askush mbi ligjin! Zbatimi i masave dhe ruajtja e shëndetit publik, është obligim për të gjithë.
Posted by Adonis Tahiri on Monday, January 25, 2021