Infektuar: 70185
Shëruar: 313132
Vdekur: 1616
Limaj në Prizren: Me fitoren tonë fiton zëri dhe vlera e UÇK-së

Limaj në Prizren: Me fitoren tonë fiton zëri dhe vlera e UÇK-së

Aktuale January 21, 2021 - 21:30

Kryetari i Nismës Socialdemokrate, Fatmir Limaj ka vizituar sot banorët e disa fshatrave të Prizrenit.

Limaj ka kërkuar mbështetjen e qytetarëve, duke thënë se me fitoren e tyre do të fiton zëri dhe vlera e UÇK-së.

“Kënaqësi qe sonte kisha një bashkëbisedim të jashtëzakonshëm e me plotë emocion me burra e gra, në vendlindjen e heroit të kombit, Xhevat Berisha, në Tusuz të Prizrenit. Kërkova nga bashkëluftëtarë e veprimtarë të devotshëm të kësaj zone për tu bashkuar krah projektit tonë për mbrojtjen e vlerave kombëtare”, ka shkruar Limaj në Facebook.

Tutje, ai ka shkruar “vlerat e Ushtrisë Çlirimtare të Kosovës ne i ndjejmë, jetojmë me to, prandaj edhe po i mbrojmë, ndërsa disa të tjerë që asgjë nuk i lidhë me këtë pjesë të historisë sonë të lavdishme, fatkeqësisht po i përdorin e keqpërdorin për vota”. /EO