Prokuroria Themelore në Mitrovicë nis hetimet e vaksinave anti-COVID në veri

Pas informacioneve të pranuara dhe raporteve në media lidhur me futjen potenciale të vaksinave anti-COVID në pjesën veriore të Kosovës pa përfillur dispozitat e zbatueshme ligjore, Prokuroria Themelore në Mitrovicë njofton se në bashkëpunim të ngushtë me Policinë janë duke mbledhur informacione për të vlerësuar nëse vaksinat janë sjellë në Kosovë, si dhe nëse importimi i tyre është bërë në pajtim me protokollet përkatëse për mbrojtjen e shëndetit publik dhe kërkesat ligjore që rregullojnë këto çështje, raporton “Zeri.info”.

“Ne sigurojmë publikun se mbetemi syhapur në zbulimin, hetimin dhe ndjekjen e veprimeve të kundërligjshme, që mund të rrezikojnë shëndetin dhe sigurinë publike, si dhe mbetemi të përkushtuar që të sigurojmë që askush tëmo s shfrytëzojë situatën e krijuar si rezultat i pandemisë gjatë kësaj kohe kritike”, thuhet në komunikatën e Prokurorisë.

Prokuroria do ta mbajë publikun të njoftuar në vazhdimësi me zhvillimet. /Zëri