I dyshuari hedh shishe benzine në një lokal të Prishtinës, intervenojnë zjarrëfikësit
Aktuale
October 25, 2020 - 08:49
Një i dyshuar, në orët e hershme të mëngjesit të së shtunës, ka hedhur një shishe me benzinë në një lokal në Prishtinë.
I dyshuari është larguar nga vendi i ngjarjes dhe ende është i panjohur për Policinë.
“Në vendin e ngjarjes kanë dalë njësitë relevante policore, njësia e KEDS-it si dhe zjarrfikësit të cilët e kanë lokalizuar dhe shuar zjarrin. Në lidhje me rastin është njoftuar prokurori i shtetit. Rasti vazhdon të hetohet”, thuhet në raportin 24 orësh të Policisë.
Ngjarja ka ndodhur saktësisht në rrugën "Xhelal Mitrovica", në orën 3:20./Zëri