Infektuar: 38431
Shëruar: 23754
Vdekur: 989
Tarifa për hyrje në qendër të Prishtinës parashihet të jetë minimumi 10 euro, thotë Selim Pacolli

Tarifa për hyrje në qendër të Prishtinës parashihet të jetë minimumi 10 euro, thotë Selim Pacolli

Aktuale October 19, 2020 - 18:55

Nënkryetari i Komunës së Prishtinës, Selim Pacolli, ka dhënë detaje lidhur me implementimin e projektit për parkingjet në periferi të kësaj komune.

Pacolli deklaroi se ky projekt do duhej të ishte zgjidhja për mbingarkesën dhe rrezikun që iu shkaktohej qytetarëve të Prishtinës, nga veturat dhe ndotja e ajrit nga to.

”Ditët e fundit është bërë një lajm sensacional, që Prishtina është kryeqendër dhe duhet të ketë specifikat e veta për brendësinë e saj”.

”Janarin dhe shkurtin e kemi pikën më kruciale ku ballafaqohemi si problem me ndotjen e ambientit, ajrit në këtë rast. Një gjë e tillë do të parandalonte, ndotjen e ambientit nga makinat”.

”Njëra prej masave, është ndërtimi i parkingjeve në hyrje të qytetit. Nga secila hyrje në qytet do të ketë vendparkingje dhe do të ketë trafik urban”.

”Kjo e shkarkon qasjen e shumtë të makinave Brenda zonës së tërë qytetit. Ne nuk do ta ndalojmë asnjë qytetarë të hyjnë në brendi, por do t’i qasen pagesës. Nuk kemi nevojë të shtojmë numrin e autobusëve”.

”Në secilën dalje, e hyrje të Prishtinës, kemi trafik urban, të cilët ata i marrin udhëtarët dhe i sjellin në brendi. Secili qytetar që vie nga periferia dhe futet në brendi, atëherë ka qasje në zonën urbane të trafikut urban”.

”Jemi duke ndërtuar parkingun nëntokësor, që aktualisht do t’i ketë 750 parkingje. Nga aty është e qasshme secila pikë për tre apo katër minuta në këmbë”.

”Kjo duhet ta parandalojë këtë tollovi të makinave të atyre të cilëve kanë dëshirë të kenë qasje me makinë në secilën pikë”.

Sipas tij nëse qytetari patjetër vendos të hyjë me veturë, në qytet është vendosur një tarifë të cilën duhet ta paguajë.

”Është taksa e cila paguhet në brendinë e qytetit”.

”Secili që vie nga Peja, Gjakova, Gjilani, Kaçaniku – është e drejtë të vie, por duhet ta paguajë taksën e cila quhet si ”Taksë e Gjelbërt”.

”Kjo e bënë parandalimin dhe shkarkimin e qendrës. Nëse do mund të vie, e paguan 10 euro dhe ka qasje në secilën pikë të qytetit”.

Ai konfirmoi madje se tarifa ende nuk është caktuar por pritet të jetë minimumi 10 euro, njofton Klan Kosova.

”Sigurisht, minimum do të jetë 10 euro”.

”Akoma nuk kemi vendosur por parashikimet janë. Nëse shkon në Milano sot, ti duhet të paguash 25 euro për tu future në brendi me makinën tënde, përndryshe e mer trafikun urban”

Më tej nënkrytari i Komunës së Prishtinës, ka bërë të ditur se ata që paguajnë parkingun në hyrje të qytetit, trafikun urban për të kaluar në qendër apo në pikën në të cilën atyre iu duhet, e kanë pa pagesë.