Kosnett: Kontributet e Mikullovcit për kulturën e pavarësinë e Kosovës do të lënë një trashëgimi jetëgjatë
Ambasadori i SHBA-së në Kosovë, Philip Kosnett, ka përkujtuar sot aktorin Adem Mikullovci, i cili vdiq të hënën.
Kosnetti ka shkruar se i bashkohet gjithë Kosovës në dhimbjen për humbjen e aktorit, komedianit dhe politikanit Mikullovci.
Në një shkrim në Twitter, ambasadori shkruan mes tjerash se arti dhe humori i Mikullovcit ka ngritur lart moralin e Kosovës në kohë të vështira, transmeton Zeri.info.
“Ne i bashkohemi gjithë Kosovës në dhimbjen për humbjen dhe përkujtimin e jetës së aktorit, komedianit, politikanit Adem Mikullovci. Në kohë të vështira, arti dhe humori i tij ka ngritur lart moralin e Kosovës. Kontributet e tij për kulturën, pavarësinë dhe karakterin e Kosovës do të lënë një trashëgimi jetëgjatë”, ka shkruar Kosnetti. /Zëri
We join all of #Kosovo in mourning the loss and celebrating the life of actor, comedian, politician Adem Mikullovci. In difficult times, his artistry & humor lifted Kosovo's spirit. His contributions to Kosovo's culture, independence, and character will leave a lasting legacy. pic.twitter.com/ETv7kC6PgZ
— Ambassador Philip S. Kosnett (@USAmbKosovo) September 16, 2020
