Televizioni Publik Gjerman: Në Kosovë koronavirusi jashtë kontrollit

Televizioni publik gjerman ZDF ka realizuar një reportazh në Kosovë rreth situatës pandemike dhe sipas tij situata me COVID-19 ka dalë plotësisht jashtë kontrollit.

ZDF-ja ka përmendur numrin e lartë të personave që po vdesin si pasojë e virusit, derisa thekson faktin se Kosova ka më pak se dy milionë banorë.

Gjithashtu mediumi gjerman ka përshkruar edhe situatën e rënduar nëpër spitale, mungesën e respiratorëve dhe zënien e pothuajse të gjithë shtretërve.

ZDF-ja shkruan se numri i personave të infektuar ka filluar të rritet që nga lehtësimi i masave në qershor.