Infektuar: 54839
Shëruar: 48046
Vdekur: 1392
Jashari kërkon nga institucionet shtetërore që të mos përsëriten provokime nga ana e Serbisë

Jashari kërkon nga institucionet shtetërore që të mos përsëriten provokime nga ana e Serbisë

Aktuale August 08, 2020 - 17:25

Pas shumë deklarimeve rreth hyrjes së xhandarmërisë serbe në territorin e Kosovës ka reaguar edhe kryetari i komunës së Skenderajt, Bekim Jashari i cili tha se është e pa pranueshme që ende nuk kemi asnjë veprim institucional.

Jashari ka thënë se institucionet tona duhet të marrin masa ndaj provokimit që shteti serbë po vazhdon ti bëjë Kosovës, transmeton Zeri.info

“Pas asaj që ka ndodhur një ditë me parë është dashur që udhëheqësit e institucioneve tona të takohen dhe të marrin masa ndaj provokimit që shteti serb po bënë ende në Kosovë”, ka shkruar ai në një postim në Facebook.

Sipas tij institucionet duhet dhënë përgjegjësi për një rast të tillë pasi siç thotë ai Kosova është shtet i pavarur dhe e kanë për obligim që të ruajnë territorialitetin dhe sovranitetin e saj.

Ai kërkon nga autoritete kompetente që të marrin veprime naj asaj që ka ndodhur në Karaçevë dhe të mos lejojnë që të përsëriten provokime të tilla.

“Si kryetar i Komunës së Skenderajt dhe si anëtar i familjes Jashari, i bëjë thirrje institucioneve tona që të marrin veprime konkrete ndaj asaj që ka ndodhur në Karaçevë dhe të mos lejojnë që të përsëriten provokime të tilla”, tha kryetari i kësaj komune, Bekim Jashari./Zëri