Ambasadori Rohde: Kosova është e përfshirë në listën e Gjermanisë gjatë presidencës së Këshillit të BE-së
Ambasadori i ri i Gjermanisë në Kosovë, Jorn Rohde, u është drejtuar qytetarëve të Kosovës përmes një videomesazhi.
Ai ka falënderuar qytetarët për mikpritjen që i është bërë në Kosovë, ndërsa ka thënë se është i impresionuar me ndryshimin që ka pësuar Kosova prej vitit 2001 e këndej.
Rohde ka konfirmuar se Kosova dhe gjithë Ballkani Perëndimor janë në prioritetet gjatë presidencës së Këshillit të BE-së.
“Ballkani Perëndimor, duke përfshirë Kosovën, janë në listën tonë gjatë presidencës së Këshillit të BE-së. Dialogu për normalizimin e raporteve me Serbinë është prioritet i rëndësishëm”, thotë Rohde në videomesazhin e publikuar në “Twitter”, transmeton “Zeri.info”.
Ambasadori gjerman ua ka rikujtuar autoriteteve në Kosovë se shteti gjerman pret përparim në fushën e sundimit të ligjit dhe në luftën kundër korrupsionit.
Diplomati gjerman nuk ka lënë pa përmendur as situatën e rënduar me pandeminë në javët e fundit.
“Shifrat aktuale në rritje janë tejet brengosëse. Duhet angazhim më i madh për ta mbrojtur shëndetin e qytetarëve dhe për ta rimëkëmbur ekonominë”, ka thënë Rohde. /Zëri
Good morning #Kosovo! Here is my video message to all Twitter followers in ëand elsewhere ë. Looking forward to meeting you all soon (virtually)! pic.twitter.com/aU79xdrim8
— Ambassador Jërn Rohde (@GermanAmbKOS) August 6, 2020