Orlando: Ne kërkuam ndihmë nga ushtria për t’i varrosur viktimat, të mos vijë puna njësoj në Kosovë

Ambasadori i Italisë në Kosovë, Nicola Orlando, ka folur pas gjendjes së rënduar në Kosovë si pasojë e rritjes së madhe të numrit të personave të infektuar.

Oralando thotë se pavarësisht se virusi në Kosovë po shpërndahet në mënyrë shumë të shpejtë, 1/3 e qytetarëve e mohojnë dhe e minimizojnë rrezikun e virusit.

Teksa ka folur për këtë, diplomati italian ka rikujtuar se Italia në fazën më të keqe kishte nxjerrë ushtrinë në rrugë për t’i dalë në ndihmë shtetit për varrosjen e numrit të madh të viktimave.

“Në fazën më të keqe në Itali ushtria u thirr për të përballuar numrin e madh të viktimave dhe për t’i varrosur ato”, ka shkruar Orlando.

Ai tutje thotë se një gjë e tillë mund të evitohet.

“Mbajeni maskën, distancën e lani duart”, ka përfunduar ai.