Rekord i infektimeve me koronavirus në Kosovë, 216 brenda 24 orëve të fundit
Instituti Kombëtar i Shëndetësisë Publike të Kosovës ka bërë publike rezultatet e testimeve të të dyshuarve si të infektuar me COVID-19.
Nga gjithsej 493 mostra të marra, pozitiv me koronavirus kanë dalë 216 raste.
IKSHPK njofton se gjatë ditës së sotme janë shëruar gjithsej 40 pacientë. Numri i përgjithshëm i të shëruarve deri më sot është gjithsej 2.267 raste, kurse numri i rasteve aktive është 2.562.
Numri total i rasteve pozitive është 4.931 raste nga 28.216 persona të dyshimtë në virusin SARS-CoV-2, me gjithsej 102 raste të vdekjes të cilët kanë pasur sëmundje të tjera shoqëruese.
Rastet pozitive janë nga: komuna Prishtinë 115 raste, komuna Drenas 16 raste, komuna Fushë Kosovë 16 raste, komuna Lipjan 14 raste, komuna Podujevë 12 raste, komuna Mitrovicë 10 raste, komuna Skenderaj 6 raste, komuna Obiliq 4 raste, komuna Vushtrri 4 raste, komuna Shtime 3 raste, komuna Kaçanik 3 raste, komuna Suharekë 3 raste, komuna Prizren 2 raste, komuna Deçan 2 raste dhe me nga 1 rast komunat: Ferizaj, Klinë, Malishevë, Pejë, Rahovec dhe Viti.
