Infektuar: 18910
Shëruar: 15367
Vdekur: 674
Sot mbahet protesta e OVL-së së UÇK-së kundër aktakuzave të Speciales

Sot mbahet protesta e OVL-së së UÇK-së kundër aktakuzave të Speciales

Aktuale July 09, 2020 - 08:22

Organizata e Veteranëve të Luftës organizon sot protesta në të gjitha qytetet e vendit tonë në shenjë kundërshtimi ndaj propozim-aktakuzës së Gjykatës Speciale ndaj ish-krerëve të Ushtrisë Çlirimtare të Kosovës, Hashim Thaçi dhe Kadri Veseli.

Protesta ka ndryshuar formë për shkak të situatës me koronavirusin, ku do të respektohen rekomandimet e Institutit Kombëtar të Shëndetit Publik (IKSHPK).

Për protestën e sotme kanë qenë të konfirmuar mbi 20.000 qytetarë, ndërsa sot ka mënyrë të re proteste, e cila është e paraparë të jetë me nga 99 persona në çdo qytet, duke respektuar distancën sociale.

Protestat janë të sinkronizuara për çdo komunë dhe do të mbahen nga ora 12.00 deri në orën 13.00.

Ndryshe, presidenti i Kosovës Hashim Thaçi ka bërë të ditur dje se do të udhëtojë të hënën si i ftuar për intervistim nga Prokuroria Speciale në Hagë.