Infektuar: 5118
Shëruar: 2370
Vdekur: 108
Hoti takon drejtuesit e Klubit të Prodhuesve të Kosovës, u ofron mbështetje

Hoti takon drejtuesit e Klubit të Prodhuesve të Kosovës, u ofron mbështetje

Aktuale June 30, 2020 - 19:10

Kryeminstri i vendit, Avdullah Hoti, ka takuar sot drejtuesit e Klubit të Prodhuesce të Kosovës, teksa u ofroi ndihmë pas pandemisë.

“Qeveria e Republikës së Kosovës do të ndërmarrë të gjitha veprimet e nevojshme, në mënyrë që t`ua lehtësojë veprimtarinë e tyre prodhuesve të vendit”, tha Hoti.

“Programi ynë qeverisës synon që në tryezat tona të ketë prodhime vendore, sipas standardeve të cilësisë evropiane. Qeveria do t’i mbështesë prodhuesit bujqësorë në kuadër të pakos për rimëkëmbje ekonomike”.

Po ashtu, kryeministri Hoti tha se Qeveria tashmë është duke e mbështetur ekonominë e vendit me Pakon Emergjente, si dhe është duke e konkretizuar Pakon e Rimëkëmbjes Ekonomike.

Po ashtu Hoti theksoi se Qeveria ka krijuar edhe Fondin e Rimëkëmbjes Ekonomike prej afro 385 milionë eurosh.

Ndërsa, drejtuesit e Klubit të Prodhuesve të Kosovës, duke e falënderuar kryeministrin Hoti për takimin, pohuan se misioni i këtij klubi është fuqizimi i prodhuesve të Kosovës, ndihma për nxitjen e bashkëpunimin në mes tyre dhe me palët e treta, ndërtimi i urave të bashkëpunimit me institucionet shtetërore, me qëllim të fuqizimin dhe të promovimit të prodhimeve vendore, duke e ngritur vetëdijen e qytetarëve për cilësinë e këtyre prodhimeve.