Arrestohet shoferi nga Kosova, po bartte 113 emigrantë në kamionin e tij
Aktuale
June 01, 2020 - 10:24
Një shofer nga Kosova është arrestuar dje në Maqedoninë Veriore, teksa po bartte 113 emigrantë, ka bërë të ditur Ministria e Punëve të Brendshme e këtij vendi.
Siç ka njoftuar policia, të dielën, është arrestuar 30-vjeçari me inicialet I.P., pasi në kamionin e tij kishte 113 emigrantë, përcjell “Kossev”-i.
Në kamionin me tabela të Shkupit ishin 110 emigrantë nga Bangladeshi, dy prej Myanmarit dhe një prej Indisë.
Shoferi është arrestuar dhe, siç thuhet, do të ngrihet kallëzim penal kundër tij.