Infektuar: 4715
Shëruar: 2227
Vdekur: 101
Deklarohet Hoti pas vendimit të Gjykatës Kushtetuese

Deklarohet Hoti pas vendimit të Gjykatës Kushtetuese

Aktuale May 28, 2020 - 23:30

 

Mandatari për kryeministër të Kosovës, Avdullah Hoti ka reaguar pas vendimit të marrë nga Gjykata Kushtetuese.

Ai përmes një postimi në “Facebook”, ka kërkuar që askush mos të ndihet i humbur karshi këtij vendimi por të ketë bashkim në të mirë të vendit, përcjell “Zëri”.

“Si mandatar për kryeministër të Qeverisë së Kosovës, mirëpres vendimin e Gjykatës Kushtetuese. Është koha të bashkohemi për të ardhmen e vendit dhe qytetarëve tanë. Askush nuk ka humbur. Rimëkëmbja e mirëbesimit në mes nesh dhe respektimi i rendit institucional është detyrë dhe obligim yni i përbashkët”, ka shkruar Hoti, raporton Zeri.info.

Ai më tutje ka përmendur se në bashkëpunim me SHBA-në dhe BE-në do të jetësohen aspiratat e vendit për integrime euroatlantike.

“Bashkë me miqtë tanë strategjikë, SHBA-të dhe BE-në, do të punojmë me përkushtim për jetësimin e aspiratave tona për integrime euroatlantike”, ka shkruar Hoti.