Infektuar: 4715
Shëruar: 2227
Vdekur: 101
Thaçi: Serbia do të ballafaqohet me drejtësinë për gjenocidin që e ka kryer në Kosovë

Thaçi: Serbia do të ballafaqohet me drejtësinë për gjenocidin që e ka kryer në Kosovë

Aktuale May 25, 2020 - 13:55

Presidenti i Kosovës, Hashim Thaçi, ka vizituar sot Burgun e Dubravës për t’i kujtuar të burgosurit shqiptarë të vrarë para 21 vjetësh në Burgun e Dubravës nga shteti i Serbisë.

Kreu i shtetit tha se masakra në Burgun e Dubravës është ndër më mizoret, pasi është kryer kundër të burgosurve të pambrojtur, gjë që është në kundërshtim me çdo konventë ndërkombëtare dhe çdo ligj ndërkombëtar.

Presidenti Thaçi ka thënë se Kosova nuk do të ndalet derisa të vihet drejtësia për mbi 13 mijë viktima civile të vrara nga shteti serb, mbi 400 masakra të kryera dhe mbi 20 mijë gra të dhunuara nga aparati shtetëror serb.

“Serbia do të ballafaqohet me drejtësinë për gjenocidin që e ka kryer në Kosovë kundër popullatës civile dhe për të gjithë këto masakra që u kanë ndodhur qytetarëve të Kosovës”, përfundoi presidenti Thaçi.