Flasin nga Presidenca: Kjo është gjendja shëndetësore e presidentit Thaçi

Zyra e Presidentit të Kosovës ka bërë të ditur se Hashim Thaçi është duke u trajtuar ne Klinikën e Urologjisë.

Zyra e presidentit ka njoftuar se Thaçi sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional, transmeton "Zëri.info".

Në njoftim thuhet se gjendja shëndetësore e presidentit të Republikës së Kosovës është stabile. /ZERI

Njoftimi i plotë i Presidencës, pa ndërhyrje:

Presidenti i Republikës së Kosovës, Hashim Thaçi, pas shqetësimeve të shfaqura nga gurët në veshkë, sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional.

Presidenti i Republikës së Kosovës shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës.

Gjendja shëndetësore e Presidentit të Republikës së Kosovës është stabile dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi.